قصص غريبة مسموعة

زهقان ؟ تحب تسمع قصة تخرجك من المود اللي انته فيه ؟ لا لا لأ, مش قصة واقعيه , قصة خيالية , ممكن تعتبرها حكايه من حكايات قبل النوم وبرده ممكن تسمعها و انت بتذاكر او تسمعها و انت بتتمشي او في الجيم او حتي وانت قاعد مع نفسك بتفكر في النظام المحكم المسيطر علي الكون , طيب القصص نوعها ايه ؟ هل هيه قصص رعب و جن و اشباح و لا قصص زومبي و مصاصين دماء و قتله متسلسلين , ولا يمكن قصص خيال علمي او قصص عن الدارك ويب ولا قصص رومانسيه ولا ايه بالظبط ؟ إحممم بص هوه انا مقدرش اضمنلك , ممكن تكون اي حاجه من الحاجات ديه, انت و حظك, اللي انا اقدر اضمنهولك ان القصة حتبقي غريبة , و غالباً بنسبة كبيره مش حتكون سمعتها قبل كده, بس طبعاً مش حتكون اغرب منك , هوه في حد فعلاً بيقرا البايو؟! انت اصلاً مضيع كل الوقت ده ليه ؟ البس السماعات و اقفل عينيك و عيش , ايه ده؟ ثواني , معلش افتح عينيك تاني , نسيت اقلك ان كل القصص بالعربي طبعاً و بالتحديد بالعاميه المصريه